Il POETA di Oggi Angelo Maria Canossi

Cà de le bachere

A la Cà de le bàchere
üsanze de montagna:

l'erba la fa de scagna

l'acqua la fa de vì:

aviso ai citadì!

A la Cà de le bàchere

la polenta taragna

l'è mèi del pà de Spagna

e 'n öv en ciarighì

l'è mei d'un pastissì.

A la Cà de le bàchere

gh'è 'l pal de la cucagna

con sö 'l sò baldachì,

e chèl che la guadagna

l'è che g'ha 'l có piö fì.

A la Cà de le bàchere

gh'è l'aria de montagna

e i fiur e i usilì,

e 'l cör quand el scaragna

el vé sö ché a guarì.

 

Angelo Canossi