Scimes, pures, bordocch, cent pee, tavan,

 

Scimes, pures, bordocch, cent pee, tavan, camol, mosch, pappatas, vesp, galavron,

formigh, zanzar, scigad, vermen, scorpion,

consolev che l’estaa l’è pocch lontan.

Pover bestiolitt! pover badan!

Mordinn, sciscienn, secchenn, che sii patron,

caghenn in suj pitanz, in sul muson,

cribbienn i pagn, i frut, la carna, el gran.

Fee pur quell che ve pias, can bestiolitt,

ché el manch che possem fà per i vost meret

l’è quell de lassav scoeud tutt i petitt.

Inscì magara ve vegniss a taj

de andà a quarter d’inverna in del preteret

de chi loda l’estaa coj soeu regaj.

Porta, Carlo, "Poesie", a cura di Dante Isella, V ed.

Mondadori, Milano 1989

TRADUZIONE

Cimici, pulci, scarafaggi, millepiedi, tafani, tarme, mosche, pappataci, vespe, calabroni, formiche, zanzare, cicale, vermi, scorpioni, consolatevi che l’estate è poco lontana. Povere bestioline! Povere creaturine! Mordeteci, succhiateci, infastiditeci, che siete voi padroni, cacateci sulle pietanze, in faccia, crivellateci i panni, i frutti, la carne, il grano. Fate pure quel che vi piace, care bestioline, ché il meno che possiamo fare per i vostri meriti è quello di lasciarvi soddisfare tutti i capricci. Vi venisse magari l'idea di andare a quartiere d’inverno nel sedere di chi loda l’estate coi suoi regali..!

Carlo Porta